九西補選泛民再吃敗仗，工黨李卓人不敵建制派陳凱欣，其中敗因有指是主流民主派未能回應近年冒起的本土思潮，有民主派主張應穩守基本盤、放棄本土派，就讓建制、泛民、本土「三分天下」。《蘋果》訪問民主黨及公民黨兩大黨領導，他們對新局面有甚麼看法？

記者 陳嘉裕

2016年2.28新東補選，代表本土派的梁天琦取得逾6萬票、得票率達15.3%，本土派有力左右選舉結果這問題，擺在民主派政黨面前，民主黨終在去年發表《香港前途決議文》，提出自己的論述回應本土派，民主黨表明不支持港獨，但亦不容香港走向一國一制，重申應在現時框架下實踐最大程度自決。本年11月底，民主黨換屆選舉後再次提出商討本土行動綱領，包括建議香港取回單程證審批權及檢討每天150個名額，試圖在民生政策上，更貼近本土派訴求。

負責民主黨本土行動綱領的副主席羅健熙接受訪問時坦言，每個民主派政黨都需要對本土論述作出回應，認為有關論述不僅是回應本土派想法，更是應對整個香港大時勢的改變；可是能否真正應對本土派需求、甚至獲得本土派支持？羅坦言雙方在理念上難有一致共識，「民主黨本身係『好民主黨』係好正常嘅事，我唔會由民主黨突然變咗青政、或者變咗民族黨」，但指部份議題或有接近空間，例如不希望香港被大陸同化或影響、取回單程證審批權等，希望做到「就算佢（本土派選民）唔係支持你（泛民），起碼都無咁反對你，或者起碼都唔係同你勢成水火。」

羅健熙承認，提出本土論述目的之一是擴大民主黨選民基礎，在未來選舉爭取支持，「政黨唔為選票係匪夷所思，爭取選票唔係壞事」，但強調不能違反原則，例如本土派過去多次批評主流泛民與抗爭者割席，或在青政梁頌恆、游蕙禎被DQ時相對少聲援，他說：「有啲嘢我哋（民主黨）唔同意就係唔同意，就算而家再發生一次旺角衝突都好，我哋可能都係要譴責暴力。佢哋究竟受唔受？就留返畀唔同市民自己選擇喇！」

公民黨也在前年創黨10周年前夕「加碼」創黨宣言，加強本土和自主元素，事隔兩年，該黨內部詳盡討論民主派選舉失利原因與本土思潮的影響。黨魁楊岳橋指，民主派九西敗陣原因包括失去本土派支持，亦因部份人對民主派失望而不投票。他認同民主派有必要爭取本土選民支持，相信泛民與本土在政治上有共同目標，而雙方都應尊重相互的底線，「政治上如果目標係一致，係唔係可以搵到共同空間？係要去思考吓，有咩係可以妥協，有咩係和而不同？我相信如果可以更有效監察特區政府，相信大家都同意，如果民主、普選係一致，但手法有唔同，就係和而不同」。

與羅健熙一樣，楊岳橋也相信毋須為討好本土派改變原有原則或立場，對於旺角騷亂等議題，楊重申：「有啲底線大家係喺度嘅…其他政治立場上有無咩係可以大家合作到嘅，係另一回事」。至於與本土派在各項議題的合作空間，楊指須在黨內集思廣益後再定論。

主流泛民嘗試吸納本土派的政綱，是否有助吸納支持？年初3.11補選中代表民主派出選的新同盟范國威認為有效，指其政綱包括爭取單程證審批權、減少依賴東江水，亦承諾對在囚抗爭者提供支援，都是本土派關注的議題，相信其本土政綱及實質政治行動獲部份本土派選民支持，因其補選時獲逾18萬票，較楊岳橋去年2.28新東補選16萬票多近2萬，「數字上，部份上次（2.28補選）投畀梁天琦嘅人，因為我務實本土嘅理念投畀我。」

問及選舉過程中仍被稱為「偽本土」，范認為所謂「偽本土」只是選舉攻擊技倆：「唔可以話我唔認同港獨、無底線抗爭就係偽本土」，他強調泛民與本土派能在民生政策中找合作的切入點，關注本土相信是民主派未來的重點方向。