上邊光國,現價係接近歷史高位嘅10.74元水平,比2007年高位升咗1.4倍、3.7倍PB,市值480億元,係中電新能源近8倍!同樣對口級數,中電新能源PB,平咗80%。
場內阿媽夠級數嘅,有北京發展(154),話搞垃圾發電,搞咗N年之後,家陣先參與番多啲項目,半年仲係蝕緊水,PB炒到上3倍。又京能(579)近1.8倍PB、華電褔新(816)2.5倍,中電新能源又係平咗截。
再講,中電新能源環保潔能瓣數樣樣齊,一啲唔失禮,集團啱啱公佈冇耐今年半年成績單,純利溫和增長3%,到1.6億銀人仔。仲要咁睇,中電新能源期內嚟自政府補貼金收益,得1,050萬銀人仔咁大把,上邊京能,所講補貼或補助金收益,高達4.9億銀人仔(半年純利6.7億銀人仔)。中電新能源業績實實淨之餘,嚟緊日子,一樣有機會好似光國咁,俾阿爺湊到肥肥白白。
買中電新能源,當上返NAV 0.8元計數,都要升48%,1倍PB,未有耐追到任何行家,同阿媽嘅入股價,值博。