曾出演韓片《我老婆係大佬3》嘅41歲女星玄英同年長4歲嘅圈外男友於2012年結婚，同年8月誕下女兒，早前玄英方面宣佈再度造人成功，今日韓國方面更傳來好消，玄英今日順利誕下3.02kg(約6.644磅)嘅男嬰，母子平安，順利湊成個好字。玄英透過事務所表示好高興同家人度過快樂嘅一天，作為兩個孩子之母，佢之會更加努力承擔母親嘅責任。

另外，韓國著名音樂劇演員兼韓劇《韓國小姐》嘅44歲女星洪智敏，佢於2006年同年長一歲嘅圈外企業家結婚，結婚八年，終於喺2014年時10月宣佈懷孕五個月，並於前年誕下寶貝女。早前洪智敏同樣宣佈再度懷孕喜訊，更公開咗超聲波相片，而今日洪智敏就公開咗佢同細女嘅合照，仲話自己同小天使一齊，令佢充滿喜樂，原來佢已於上月27號誕下第二名女兒。

更多韓流，喺晒《娛果》
http://fb.com/appledailyent