美國音樂盛事、第58屆格林美頒獎禮今日於洛杉磯舉行，次次都悉心打扮嘅美國歌手TaylorSwift剪咗個bob頭新髮型，佢着咗條唔係好傳統嘅晚裝，上身係橙色tubetop，下身係粉紅色開衩長裙，露出入面嘅粉紅底底，大騷纖腰同長腿。同佢一齊行紅地毯係佢嘅老友SelenaGomez，Selena條藍色晚裝都好性感，凸顯佢S形嘅身段。

至於Selena嘅舊愛JustinBieber就冇帶女伴現身，反而帶咗佢細佬，Justin細佬着咗西裝，比阿哥更加chok，Justin忍唔住要錫啖細佬。