粉絲迷一個偶像、一個明星嘅瘋狂度，真係唔係一般人可以理解。

為了偶像佢哋豪花千萬元都臉不改容，佢哋亦會為咗偶像而笑同喊，有些粉絲喜歡偶像嘅電視劇，就會誇張到飛去當地嘅場景作實地參觀，不過有啲粉絲覺得去場景都滿足到佢哋，佢哋為咗喺現實生活中都貼身跟隨偶像，就連偶像私下放假去旅行嘅地方都唔放過，認真令人嘆為觀止。

好似憑韓國神劇《太陽的後裔》爆紅嘅宋慧喬同宋仲基咁，佢哋拍劇而傳出緋聞，而粉絲亦都睇得好投入，劇內劇外都覺得二人係一對，仲封咗佢哋係「宋宋Couple」，「宋宋Couple」呢個名已經有Instagram帳戶，又有微博同貼吧，可見粉絲真係當正佢哋係一對。早前喬妹放假去咗美國加州三藩市度假，仲被發現同宋仲基前後腳去咗美國，雖然唔知喺當地二人有冇見面，但粉絲都唔理咁多，就跟住喬妹嘅足迹遊三藩市，見喬妹喺Ig上載過嘅景點，粉絲就跟住照去，仲帶埋「宋宋Couple」同宋仲基紙牌，幻想雙宋同在，都真係好佩服佢咁有heart呢。