梁榮忠今日以評判及頒獎嘉賓身份，喺動漫節出席「香港區預賽頒獎禮」，病咗幾日、帶住口罩嘅忠仔指自己好鍾意模型，放滿兩個倉，佢話：「我同古仔（古天樂）唔同，古仔真係極品，佢啲玩具係1比1，我嗰啲玩具就買咗返嚟但唔開。」花咗幾多錢買模型？佢笑指：「唔好講喇，驚我阿媽鬧，始終買模型嘅錢有限，除非古仔嗰啲，佢用一層樓嘅價錢嚟買玩具，嗰啲玩具升價可以令佢買多兩層樓，我嗰啲用一層樓嘅價錢去買，頂多可以幫我賺兩餐飯，呢啲只係辛苦完買啲嘢氹下自己開心嘅娛樂，我覺得係要有。」

有冇試過Cosplay？忠仔話：「有呀，喺日本買咗件高達嘅衫，啱啱入行，有錢買，不過0依家唔啱著喇！」佢指現時年青人好幸福，就算Cosplay都唔會遭受到別人奇異目光。