戚黛黛拜車公 驅霉覓新主
戚黛黛、蒲進、車車(張紫櫻)和張啟樂去年因不屑上亞視洗腦演藝培訓班而被炒,在新一年踏出新一步,聽說車公可以驅走霉氣,四人於是相約到車公廟拜神求福,希望新一年搵到個好老闆。
今日雖然初三赤口,但戚黛黛、蒲進、張紫櫻及張啟樂深信和氣可生財,更加相信否極泰來,日前相約到沙田車公廟拜神求福,轉風車驅走霉氣,面對車公爺爺,他們許下同一願望:「新一年希望可以搵個好老細。」似乎明怨暗踩舊老闆王征。
【今日我至轉】左起:張啟樂、車車、戚黛黛及蒲進齊齊到車公廟轉風車,轉走晒俾亞視炒魷嘅霉運,希望新一年行好運,搵番個好老闆。
第一個被炒的戚黛黛,本來很滿意以前在亞視的安逸平靜生活,她說:「我都唔想出去拼,之前幾好,keep住有工開,同事之間相處又開心。」如今被迫往外闖,黛黛運氣不俗,不少媒體向她招手,她笑說:「我都估唔到,nowTV同香港電視都有搵我傾,最後決定簽now一年做主持;另外數碼廣播電台有個講美容,一個live music嘅節目,我咁鍾意唱歌,好開心。」
無綫藝員訓練班出身屬林峯師兄的蒲進,離開亞視大有機會重投無綫懷抱,他說:「係有人搵,新、舊電視台都有,但想考慮清楚個方向,好耐冇拍劇,都想拍番,拜完車公望星運亨通。」
戚黛黛(右)和車車來到車公廟求轉好運,順道求籤望有好姻緣。
張啟樂百足咁多爪,暫時未有新動向,但肯定離開亞視會是好開始。
車車曾在有線講波,被亞視炒魷後即感受到人間溫暖:「舊公司知我被炒,即刻叫我返去講波,仲想同我簽經理人合約,我就想試吓拍劇。」拜過車公果然好運來,車車現已落實跟RoadShow簽經理人合約。
至於百足咁多爪的張啟樂,離巢後也接到不少歲晚飯局司儀工作,他說:「好多朋友撐,過咗新年先再算,希望新一年有新工作,作多啲歌,最緊要係搵個又新又好嘅老細。」
採訪:楊潔雯
攝影:黃偉雄
想睇更多首輪猛片介紹同預告片?《一台戲》為你網羅最新電影介紹及影評↓↓↓↓
http://hk.movies.nextmedia.com/