韓劇《Oh！我的鬼神君》、《嫉妒的化身》嘅36歲男星趙正錫噚晚喺台大體育館舉行粉絲見面會，佢第四次來台灣，依然受到台迷歡迎，噚晚見面會引千台迷捧場。

佢喺見面會現場分享小時候嘅照片，仲自爆4歲就開始練跆拳道，即場示範「踢腿」腳法，冧暈台迷。喺《Oh！我的鬼神君》中同朴寶英配成一對，佢哋劇中嘅甜蜜互動都令粉絲勁冧，噚晚趙正錫亦重演劇中告白橋段，不過佢就話：「因為著作版權問題，我毛遂自薦創作歌曲畀導演，估唔到導演覺得唔錯。」佢仲大讚朴寶英非常可愛，大讚話：「讓我睇到都會不自覺露出微笑。」

本身屬音樂劇演員出身嘅趙正錫亦都十分跳得，佢話細個最鍾意學已故流行天王米高積遜（Michael Jackson）嘅舞姿，仲即場大跳MJ經典作品《Dangerous》，令台下粉絲拍案叫絕，佢最後感性話：「今日係我首場亞洲巡迴見面會，因為你哋令我感到好幸福。」隨後再讀出親筆信送畀粉絲：「咁耐冇嚟，心情依然噗通噗通，謝謝大家嘅熱情，也希望喜歡我演出嘅作品。雖然我字跡唔好睇，但係還是寫了字。」佢仲貼心地用中文寫下：「謝謝你們，我也愛你們，直到我們下次見面之前都要幸福喔！」

而台迷亦送上自製嘅應援影片，趙正錫都差點被弄喊，佢睇完仲眼濕濕話：「剛差點喊咗，好危險。」不過到佢獻唱《少女》時，因為全場粉絲舉起手幅「請你不要擔心」，令佢終於流下淚來，感動得數度哽咽無法唱下去。

另外，喺見面會開始前，佢就先接受訪時，趙正錫話之前曾擔任台灣觀光大使，所以每次來台灣心情都好好，亦對台灣有咗感情，亦希望再同之前一齊代言嘅台灣女星陳意涵再合作。而佢對台灣美食亦讚不絕口，透露前晚已經食咗最愛嘅小籠包，即時噚日下午喺酒店叫room servive，0依家係點咗小籠包。