毛紡大王、港龍創辦人曹光彪嘅孫女曹穎惠，噚晚與同年同月同日生嘅俄羅斯夫婿EvgenyKlyucharev喺西九龍文化區，舉行中俄童話夢幻婚禮。

因為夫家柯義家族係經營開採金礦生意，男女家底又厚，婚宴極盡奢華，據知總造價近8,000萬元，其中花咗成1,000萬、請嚟太陽劇團雜技表演，仲有英國饒舌歌手TaioCruz喺婚宴後派對獻唱。之後一對新人切近十呎高嘅俄羅斯巨型彩蛋蛋糕，連新娘子也笑言：「可能想我生多幾個。」