袁嘉敏（Candy）今日去到荃灣，為堪輿學家楊天命主持嘅有線高清娛樂台節目《猴年人人行好運》擔任嘉賓。生肖屬鼠嘅Candy去年犯太歲，又因為經常要坐通宵車往返大陸開工，所以一早求定平安符隨身。

問佢去年收入係咪大漲，Candy直認:「好幸福，做咗6年藝人終於有機會返內地登台。」「幸福」定義當然人人不同啦……

Candy早前透露今年會到澳洲拍攝祼露點寫真，今日問佢進展，原來計劃有變:「隊crew5個人都覺得拍露點唔係太舒服，大家只係想拍出美感，到時睇心情，可能都會影，但唔擺落寫真。」Candy又指現任男友雖然係外國人，但性格保守，都唔希望佢祼露同性感，佢話:「我都好意外佢咁保守。」