「我同細妹、爸爸生活得好好，......生活得非常開心，......我一定以佢(媽咪)作為一榜樣，去做一個對社會有貢獻嘅人，而我都希望好似佢(媽咪)咁幫到身邊嘅人，而睇到身邊嘅人開心......笑！」這段錄音，是兒子阿衡留給天國媽媽最愛的說話。

記者：林熊 龔蕙芝 黃學潤

今年4月，61歲如姐與同在石澳高球會工作的工友，放工後一行三人到石澳採螺，惟工友遭海浪捲走，不諳水性的如姐情急下落海救人，結果不幸遇溺身亡，幸而工友最終獲救。這名捨身救人的真英雄，正正就是阿衡的媽媽柯楚如(如姐)。

如姐出事時，28歲的阿衡正在澳洲讀西廚，想不到一下子與母親陰陽相隔，未來得及報親恩，但對母親的教導銘記於心，「佢(媽咪)真係將自己喺時間用在其他人身上，然後喺其他身人上睇到自己嘅價值！」對於母親為救人而犧牲自己性命，阿衡直言：「我好大膽用一句說話去形容(媽咪)，佢係先天下之憂而憂，後天下之樂而樂；其實都係好符合佢做人嘅原則，因為佢係好鍾意幫人，而且好鍾意見到人哋開心，佢就會自自然咁開心！」

雖然這次意外，阿衡一家並不怪任何人，但在籌辦葬禮時他自知自己強裝堅強，「一心想將葬禮辦好，將出席的親友招呼好，因為我知道媽媽生前好重視親友。」對母親的恩情是無法用言語表達，阿衡和妹妹就將她生前生活點滴剪輯成一個片段，在葬禮上播放，並以「媽媽，我們愛你……」作為送走媽媽最後的禮物。

不過當阿衡返回澳洲繼續升學，生活重上軌道才發現天空好像塌下來了，「我發現我自己成個人都變得好低落，好抑鬱，因為媽媽走咗之後，我成個生活都冇咗方向，失去咗意義！」對他來說，媽媽就是整個家的中心點，為打理家務、照顧家人付出一生的心血，「媽咪好鍾意花，間屋圍欄嘅花全部係佢整，好靚，就連街坊嚟到都會影相。」而他們所住的寮屋旁還有一塊小菜田，亦是如姐的心血，種滿蘿蔔、生菜等，每當有收成，如姐就會派畀身邊每一個人，現在這份慷慨幫人的心，就由半工攻讀碩士的幼女傳承下去，她還拍心口負責家中生活開支，包括聘請傭人照顧父親，「好似媽咪咁好，咁鍾意幫人！」

事隔8個月，如姐一家並未完全走出傷痛，但妹妹阿燕每日上香予媽媽都忍不住落淚，「個個都掛住媽咪，一上香見到媽咪張相就喊。」74歲的旭叔跟如姐結婚30年，一直恩愛如昔，故太太離世至今，他坦承十分想念太太，只是男兒有淚不輕彈：「我啲眼淚留落肚，唔係流出邊。」

不過阿衡每想到母親愛幫人的大愛，就會有動力活下去說：「雖然我自己未必係跟隨媽媽希望個方向去成長，暫時未有成家立室，未有一番事業；但我一定以佢作為一榜樣，去做一個對社會有貢獻既人！」他又寄語天國媽媽：「妳總算停下來了，就請好好看我們如何生性做人，傳承妳的大愛！」

你敢爆，我敢獎！ 即Call《蘋果》24小時爆相爆片熱線 ：63836568

【minigame】2017瘋暈人物 返工打機唔使擇日
http://bit.ly/2CeWQkP