田少同CY，似乎真係好鬼天敵feel。馬場今日頭場舉行嘅新馬賽1200米，由巫斯義策騎嘅「人民武士」跑第一，而呢隻「人民武士」就係「武士」系馬主、自由黨榮譽主席田北俊名下嘅新馬。呢匹摩廐嘅馬身價不菲，周歲價達100萬澳元(超過600萬港元)，來港後第二場就「開齋」，證明貴得有道理。

匹新馬咁聽教聽話，田少都入咗馬場拉頭馬，佢話呢隻馬係練馬師大摩為佢買入，解釋馬匹父母線血統都好優秀，所以吸引到佢扑槌，覺得「人民武士」來港第二仗已經打開勝利之門，表現唔錯，睇佢嘅走勢，相信未來可以向更長途程進發。

本來拉頭馬對田少嚟講，都係等閒事，但如果八方話畀大家聽，呢場賽事係今季賽事第689場。吓，689咪田少成日狙擊嘅數字囉？大家覺得，有啲嘢，冥冥中真係有注定？

【睇下《蘋果》馬經即時新聞嘅報道】
愛駒起步敏捷取勝！田北俊：我卻未必能出閘
http://bit.ly/1dEgskf