當年今日
關於我們

【經理人要求刪相】雙宋巴黎大方被集郵 素顏喬妹勁有孕味

蘋果日報 2017/09/28 11:03

宋慧喬宋仲基太陽的後裔

【新增內容】
韓國神劇《太陽的後裔》兩位主角宋仲基同宋慧喬今年7月忽然認戀兼宣佈下月31號結婚,兩人早前飛到美國影婚紗照,近日更飛到去法國巴黎預支蜜月。
連日來,雙宋喺巴黎都被捕獲,當中有網民就喺法國Le Bon Marche商場撞到喬妹蹺實宋仲基行街,噚日又有粉絲公開兩人喺街頭嘅相片,而喬妹亦有公開其正面相,由於腹部微隆,即時惹來大肚疑雲。
噚日深夜有網民公開咗雙宋嘅合照,雙宋仲要好大方,唔避忌與同鄉影合照,企定定任影。照片中,喬妹素顏上陣,穿上長褸,手挽Hermès手袋影靚相,雖然喬妹冇化妝,但依然好省鏡,而佢外套下,穿上白色衫,其中一張相,明顯見佢腹部微隆,令人覺得佢懷孕之說,更加似層層。而網民除咗關注喬妹係咪有身孕,亦留意到喬妹左手無名指戴上戒指,唔知係咪婚戒呢?
另外,有網民就指收到喬妹經理人方面嘅短訊,要求佢哋刪除喬妹合照。同時亦因經理人要求刪相,令到網民都覺得喬妹真係有咗。
empty
empty
素顏喬妹明顯腹部微隆,令人覺得佢懷孕。
empty
empty
empty
有網民指收到喬妹經理人方面嘅短訊,要求佢哋刪除喬妹合照
empty
喬妹左手無尾指疑似戴上婚戒