昨日香港電視（1137）主席王維基對近年電視廣播（511，TVB)加入網購市場表示「如果市場愈來愈旺，HKTVmall必定係最大得益者」。TVB行政總裁李寶安今日對此回應，香港網購仍在摸索階段，目前仍未有一間公司成功，希望市場能夠蓬勃發展。

記者問到會否視王維基為直接競爭對手，李寶安指：「佢絕對唔係競爭對手，我歡迎佢！佢幫襯我，畀廣告我賺，我衷心希望佢成功！」

香港寬頻（1310)宣佈，與TVB達成協議，由4月1日起，新客戶可獲贈合約期內高達總價一半的TVB廣告現金券。而myTV SUPER投放廣告客戶，亦可獲贈高達50%的香港寬頻新合約現金券。

李寶安重申，雙方合作至今3年，能做到優勢互補，「好嘅開始係唔會完結」。他亦提到，現時myTV SUPER佔整體廣告收益為一成，相信與香港寬頻進一步合作後比例會增至兩成。有記者問到兩間關係如此親密，會否考慮互相購入雙方股份或債券，他就指：「依家先啱啱結婚，未有咁快諗生仔。」

香港寬頻執行副主席楊主光指，優惠券沒有最低消費額，可不用花錢直接使用，現時公司商業客戶逾5萬，「價錢一定平過香港電訊（6823）」，市佔有望快速增加。他續指，協議合作數個月後會再進一步檢討。

在記招指出，TVB的廣告套餐最平低至1,000元，問到價格如此低廉，會否影響公司的毛利率。李寶安解釋，傳統行業及新媒體對象不同，不認為傳統市場已見頂，而是「兩樣客都要」，不介意將資源投放在中小企商戶。他續指如用現有資源投資，對毛利率影響不大，因為「最大資源其實係創意」。

記招上亦介紹多種植入式廣告，以至「硬銷式」節目，有記者質疑會否影響用戶的觀感，李寶安笑指：「好似睇myTV，如果睇30分鐘，會願意睇30秒廣告，會覺得係應份、會enjoy！唔似幾分鐘短片咁一彈出就想交叉，我哋都唔畀交叉！」

對於big big channel成立不久已不斷加入廣告，李寶安以場內播放的廣告為例，「雖然係宣傳，但你會唔會覺得厭惡？我都覺得好好笑好好睇。」他補充未有計劃將myTV SUPER分拆上市。

記者：梁延宇

-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
《動腦Q》周末主題夜
追加星期六、日 9:30 pm
星期一至五 10:30 pm
Day Day Q the money!
https://hk.adai.ly/UkZT7poxmV