傳媒難撈都唔係第一日講，但資深傳媒人羅燦（圖）原來7月1日開始，都冇再做信報財經新聞獨立非執行董事嘞，呢件事就喺燦哥做董事總經理嘅路訊通（Roadshow，888）中期報告曝光。
小小超李澤楷2006年透過離岸公司Clermont Media買下創辦人林行止夫婦50%股權後，到2014年全購《信報》。羅燦2010年加入，做信報行政總裁，撞正《信報》多事之秋。
2012年特首選舉烏煙瘴氣，翌年初練乙錚喺《信報》論壇版發表〈誠信問題已非要害，梁氏涉黑實可雙規〉呢篇批評CY嘅文章，出街後被CY出律師信，仲要道歉。冇幾耐港大學者戴耀廷又發表文章，首度提出要佔領中環，之後嘅事已經係歷史。