前《大學生了沒》班底嘅Kiwebaby（又名張朵，本名張喬翔）擁有男兒身，但從小知道自己身體裡有「女生靈魂」，17歲開始試以女裝打扮示人，當時就想做變性，因親友阻止，最終放棄咗，後嚟Kiwebaby同一個直男熱戀，由削骨到做隆胸手術，於2015年進行3粒鐘隆胸手術，成為「隆乳留鵰」，完成手術後，痛到一度想放棄「新奶」，後嚟先慢慢適應。

佢日前突然宣佈即將開刀做手術，表示「很特別的一個聖誕節。明天就要開刀了，不能趴踢不能交換禮物不能喝香檳了。但也是時候，該將它切除了，但願少了它，人生可以一帆風順。祝寶寶手術順利」，網民即好奇佢切啲咩，Kiwebaby大方留言「大腸」。

Kiwebaby噚日順利動完手術，喺網上報平安兼貼出瞓喺病床嘅相，「今天是手術完的第一天，用了7000塊的嗎啡，頭暈到吐得滿地都是，吐到沒東西還吐出一堆血，我的聖誕夜沒有烤雞紅酒，只有流質的食物，過程真的比想像中辛苦，但我相信接下來的日子會是美好的。」

Kiwebaby自細因為動靜比較「娘娘腔」受到霸淩，被表哥鬧「gay與狗」不能靠近，仲試過被阿爸追打，因此自殺未遂，睇咗幾年心理醫生，先逐漸對不堪嘅過往，日漸釋懷，Kiwebaby今年9月喺銀幕處女作《自畫像》中，同日籍演員岡本孝有激情床戲之外，更有正面全裸「乳鵰同身」嘅畫面。現時再做埋「切鵰」。