【18禁演出】為Talk Show預演 茜利妹爆完粗再飛Bra
變裝女王18禁飛bra茜利妹
茜利妹同「變裝女王」Coco Pop日前喺佐敦搞小型talk show。
前商台DJ茜利妹今年12會舉行TalkShow,雖然已經成為人妻,但大膽作風未有改變,日前佢就同「變裝女王」Coco Pop,喺佐敦一間酒店搞咗場預演show熱身,現場仲有「18禁」環節,佢同觀眾齊齊爆粗之餘,又忽然飛bra落台,搞到觀眾好high!
茜利妹話:「當晚主題係講『女人的社會價值』,講到近日法國女網球手科內特(Alize Cornet)喺美國公開賽嘅更衣風波,原來到咗2018年,女人仲會被不公平對待,於是同現場觀眾來個『解放女性』集體行動,齊齊爆粗,場面超壯觀!」
至於忽然掟bra落台,佢話同Coco Pop係重演當年「婦解」,仲搞笑話:「最後俾兩個男觀眾接到,我警告佢哋唔准掟返上台,否則衰三年!」講到年尾嘅演出,茜利妹話演出後會再到丹麥哥本哈根、英國倫敦、澳洲墨爾本同珀斯交流,笑稱自己變咗「國際茜」。
精選娛聞,喺晒《娛果》
http://fb.com/appledailyent