LG於眾多韓國廠中,算係較遲推出百萬像素影相手機,呢部擁有130萬像素鏡頭嘅T5100,其實於3月德國CeBIT已經有實機試玩,當時完成度亦已經相當高,不過等到今時今日至正式推出,就確實有啲奇怪。
講番部機,嚟到百萬級數,繼續其扭擰芒傳統之餘,亦都終於飛甩天線,的確抵讚。而鏡頭就採用跟機旋轉設計,即係打開部機就可以玩自拍,影人就一定要合埋部機,不過有扭擰芒,就算合埋都可以有大大個Display睇。最重要嘅影像質素,亦都交足功課,影像清晰兼反應爽快,有齊相框、9連拍及拍片功能,玩意亦都夠。機內亦設有MP3播放程式,不過就唔支援MP3鈴聲,較為可惜。
記者、攝影:劉耀祥