嘩！嘩！嘩！打到嚟喇。中東局勢愈嚟愈緊張，上個禮拜港股好似過山車咁，急跌完一輪又抽番上嚟。不過對於啲股仔嚟講，打仗唔係好大影響，反而成為班大戶推波助瀾嘅藉口，話個市無方向，啲資金專揀啲優質工業股嚟炒，結果造就咗好多股仔連升幾日。
有行家話，呢幾日隻亞洲鋯業（395）好似有批大戶收緊貨，個價之前跌到去1.15元就即刻反彈，不過成交都重係唔夠大。聽講今次想炒起隻股仔嘅大戶都係啱啱調錢落嚟，隻股應該重有得去。睇番上個禮拜亞洲鋯業嘅圖表，好有機會升穿個三角走勢，個行家重話，如果破咗位先至好追落去，到時賺錢機會大好多。