熊黛林為一間銀行的職員擔任形象指導,昨日她出席銀行在中環舉行的活動。司儀在台上問熊黛林揀男友是否與揀銀行一樣要信得過、可靠又長遠穩重?她即尷尬笑謂:「差唔多,都係要長遠穩健嘅合作夥伴。」即惹來台下拍掌支持。
接受訪問時,問熊黛林是否尷尬?她坦言有點尷尬,但認為揀男友的確希望回報率較高:「我想要一生一世,不過唔係話結婚就贏、唔結婚就係蝕,感情唔同投資,分手唔一定係輸,學到嘢都係贏呀。」上一段感情是贏還是輸?熊黛林說:「學到嘢啦,都值得。」是否回報不似預期?她但笑不語,不過揚言現時面對心儀對象會較主動。對於仙樂都表示郭富城曾送錶,熊黛林笑謂郭富城是手錶代言人,但不肯透露有否收過城城送的錶。
採訪:譚倩宜