【21萬靚裝211呎舊樓】全屋翻新拆牆 40年樓齡單位變Tiffany風
熱播舊樓舊樓裝修元朗裝修有法裝修財經
誰説只有少女才有駕馭Tiffany風的權利？今次「裝修佬」的Simon去一個湖水綠公主風單位，事關元朗一對年長夫婦鍾情Tiffany色，把近四十年樓齡的211呎單位，打造成浪漫甜蜜的精品住宅。原先單位甩皮甩骨，石屎嚴重剝落，鋼筋生鏽外露，戶主甚至表示單位看上來「太失禮」，而拒絕公開照片。舊樓裝修，本身已經比新樓更麻煩，加上單位狹小，大增裝修難度，但戶主僅用21萬，便化腐朽為神奇，令單位驟眼看又大又新。
設計師以淺木色作全屋主調，淺色系在視覺上擴大空間感，讓窩居看起來更寬敞。戶主客廳空間深度不夠，故地板線條順著長邊鋪排，豎着貼，有拉長空間的感覺。相反斜鋪需要額外切割地板，人工貴，消耗的磚材也多。至於洗手間，戶主使用木紋躺摺門，一來節省空間，二來呼應客廳木紋主調，延展全屋北歐風。
單位主人房設有窗台，設計師嫌嘥位，索性在窗台上加設一組儲物櫃，物盡其用，提升室内可用空間。床頭櫃又用上生態板，其特點在於内外顔色一致，封邊完美，與一般白膠板不同。白膠板内外顔色大多有出入，如果要白膠板做另一種色，絕大部分公司都會歸為額外工序，收取附加費用。
設計師利用舊樓單位高樓底優勢，特意在少於20呎的廚房上方，打造到頂的收納廚櫃，大大小小的廚具均可放於内，廚房便不會迫上加迫。
設計師也考慮到廚房空間十分細，食物堆放在狹窄空間容易滋生細菌，故枱面用上湖水綠的石英石。石英石表面光滑，平整無划痕，緻密無孔的材料，使細菌無處藏身，因此可與食物直接接觸。
原則單位有兩房，戶主決定拆牆，將其中一間房變客廳，增加大廳空間。但要留意舊樓石屎已老化，亦不排除裏面有空心磚，再拆除或改造或會傷上加傷，破壞牆體鋼筋，影響牆體和樓板的承受力。裝修師傅即使並非對主力牆施工，也要打醒十二分精神行事，避免割傷主力牆的筋骨。
舊樓牆面問題多，往往是翻新的重點，黃師傅坦言翻新牆身和天花最費時。舊樓石屎經常剝落，成因多是鋼筋經不住濕氣侵蝕，生鏽膨脹而迫爆石屎層。師傅修補時要先做好鋼筋防鏽，再重新鋪好批盪上油漆。
舊樓室內水喉一般為鑄鐵或鍍鋅，長時間容易銹蝕，導致漏水等問題。裝修師傅一般會檢查來去水喉管有否漏水，因喉管漏水，會令周邊地方出現水跡和發黑等現象。
舊樓裝修貼士三：傢俬忌眼高肚窄
黃師傅提醒戶主，要事先量度傢俬面積，因為單棟式舊樓的升降機，未必容納到大型傢俬。過往有不少戶主訂購大型傢俬，但升降機太小裝不下，結果搬運工人要行樓梯搬重物，最終向戶主收取額外搬運費。
清拆工程: $20,000
油漆工程: $22,000
泥水工程: $26,000
木器工程: $20,000
廚房工程: $10,000
廁所工程: $14,000
水喉工程: $18,000
電力工程: $25,850
鋁窗工程: $20,000
木器工程: $27,400
其他: $8,900
總工程金額: $212,150
撰文：張怡
攝錄：林志謙
-----------------------------
【壹週刊直播平台 ChannelNEXT】
立即睇
全城抗暴 區區論壇同你深度剖析
-----------------------------
【升級壹會員登記站 為你解疑難！】
親臨旺角、銅鑼灣做升級壹會員，即送「香港人：抗爭之夏」限量明信片
詳情地址