周杰倫（周董）最近陪住老婆昆凌去美國宣傳新戲，大概周董點都估唔到，自己會成為人哋張婚紗相嘅主角。

事緣喺周董Fans嘅微博上，噚日就出咗個post寫住「網友在國外拍婚紗照，意外拍下的背景竟然有周杰倫昆凌小周周一家人」，而且附上一張網民去咗美國嘅中央車點影嘅婚紗相。

相裏面除咗有新娘外，喺新娘右邊嘅身後，竟然仲發現大名鼎鼎嘅周董咁啱路過，而喺另一邊，就疑似昆凌拖住囡囡小周周，最好笑嘅係，影嘅時候冇人發覺周董路過，直至攝影師執相時先發現原來呢個路人就係周董。而一眾網民睇完都好羨慕新娘，可以同周董喺同一張相之內，亦有人話睇周董呢個行路姿勢，肯定佢係去買奶茶，非常好笑。

精選娛聞，喺晒《娛果》
http://fb.com/appledailyent