當年今日
關於我們

【李八方online】肥馬腳頭好?港鐵又bid到杭州地鐵線

蘋果日報 2017/06/27 20:44

杭州馬時亨李八方

近年港鐵嘅業務,已經殺入埋內地,最近又有好消息傳出,原來佢哋
bid到杭州另一條地鐵線嚟營運(點解係另一條,因為宜家已經營運緊杭州地鐵1號線㗎嘞~),咁大件事,身為港鐵主席嘅馬時亨,自然拉隊上杭州,出席港鐵同杭州政府嘅簽約儀式。
其實肥馬上任港鐵主席後,有人形容佢係「福將」,幫港鐵過咗唔少難關,呢次喺習大大訪港前報喜,唔知佢又出咗幾多成功力?肥馬致辭時就話,杭州係港鐵喺內地發展中最重要嘅城市之一,由杭州市地鐵集團同港鐵投資建設營運嘅杭州地鐵1號綫2012年開通以來,確保咗安全、高效同平穩營運,係內地城市軌道交通行業公私合營項目合作嘅典範。