又到猜猜我是誰時間！

我哋睇下相先，呢位皮膚黝黑、長髮，著住粉紅色透視裙嘅，到底係邊位呢？
畀啲貼士你呀，佢年過30、出過全裸寫真、識跳鋼管舞仲會打碟㗎。

仲未估到？

喂呀，佢咪就係黃榕囉！

佢今日喺旺角出席《尋找女神》活動嗰陣，著住最愛嘅粉紅色低胸戰衣，仲好風騷咁轉左幾個圈騷腿。雖然黃榕性感又真係唔係咩新聞，不過你哋覺唔覺得佢靚左？個樣比以前pure咗？如果淨係睇樣，呢位眼大大、鼻高高、面尖尖，仲散發住少少仙氣嘅，你又敢唔敢肯定係黃榕先？

不過，肯肯定呢個係黃榕，因為右腳嘅紋身而且狠狠咁出賣咗佢！呢幾年，黃榕除咗繼續出性感寫真之外，仲自我增值學打碟、學跳鋼管舞，自我增值。就連佢個樣都不停進化，由包面豬豬變咗V面美女，個鼻高左、鼻翼細左，加埋招牌女神髮型，難怪咁多年，佢都依然係唔少宅男心目中嘅No.1啦！