舊年底開始出任勞工處處長嘅孫玉菡，返咗新工都成個月，循例都要探訪吓啲勞工團體同僱主商會，今日政府亦出稿公佈有關會面。有眼利之人就同八方講，政府公佈孫玉菡見團體嘅相片之中，有一張比較特別嘅相，原來係有人裁走咗青天白日滿地紅旗。

政府今日出稿話，孫玉菡見咗嘅工會有工聯會、港九勞工社團聯會、港九工團聯合總會同職工盟，商會方面就有 香港 中華總商會、香港工業總會、香港中華廠商聯合會、香港總商會和香港僱主聯合會，都算正路。

而新聞稿亦有好多張孫玉菡見各個團體嘅相，有趣嘅係，見幾個工會嘅相中，除咗職工盟外，見其他工會嘅相都睇到工會排頭。

再仔細啲睇，孫玉菡見港九工團聯合總會嗰張相，好似壓迫感較重，唔似其他相咁，空間感比較大。去番港九工團聯合總會喺社交網站，睇吓佢哋自己登出嚟嘅相，就發現張張都影得好清楚掛喺牆上嘅青天白日滿地紅旗同埋孫中山嘅相。

有咗《國安法》，香港就係咁㗎喇，好似舊年雙十， 香港嘅親台團體都唔敢再搞有超過70年歷史嘅慶祝活動喇 。

-----------------------------

《蘋果》英文版免費試睇： 了解更多

英文版已登錄《蘋果》App，立即 下載/ 更新 ： iOS / Android

-----------------------------

支持蘋果深度報道，深入社區，踢爆權貴，即Like 蘋果專題及調查組FB專頁 ！