【Supreme鬧劇】三星中國「重新評估」聯乘 Supreme騙局或告終
聯乘Supreme老翻Samsung強國Supreme italia
要數本星期最矚目的手機事件,未必係咩新機發佈,而應該會係三星中國在Galaxy A8s發佈會上公佈跟「Supreme」聯乘的大鬧劇。事關此「Supreme」不同彼Supreme,跟三星中國聯乘的「Supreme」是世界公認是老翻的Supreme Italia ,所以公佈後全世界都食住花生大聲恥笑。期後三星中國更疑似死撐回應:「我們聯合的是 Supreme 意大利品牌,不是 Supreme 美國。Supreme 美國在中國沒有銷售和市場的授權,而意大利品牌拿到了亞太地區(除日本)的産品銷售和市場授權。」當然,美國正版Supreme亦有聲明自己從未有跟Samsung合作。
到今日做咗水魚嘅三星中國似乎都已經知道再撐都係冇用,衰咗就係衰咗,終於再喺官方微博宣佈:「近日,三星電子在 Galaxy A8s 的發布會上宣佈,將在中國市場與 Supreme Italia 展開合作。目前我們正在重新評估此次合作,對此造成的不便我們深表遺憾。」雖說是重新評估,但相信今次老翻聯乘應該已經玩完,至於會唔會再有後續追究呢,大家可能要買多幾包花生等下先。
做咗水魚嘅三星中國剛在官方微博宣佈,正在重新評估此次合作,並對造成不便深表遺憾。