現年41歲嘅韓劇《巴黎戀人》女星金晶恩，去年4月下嫁拍拖3年嘅圈外男友，當時金晶恩已表示希望結婚後可以生小朋友，組織幸福家庭。日前金晶恩聲音演出節目，透露婚後嘅甜蜜生活及生B大計。

於噚日播出嘅節目《Video Star》中，金晶恩透過電話通話，聲音演出節目。提到婚後生活，金晶恩表示：「婚後於首爾及香港都有屋企，忙於來回兩地生活。」金晶恩又放閃地表示婚後覺得好幸福，老公畀到安全感佢，係人生中最好嘅朋友。至於生B計劃，金晶恩大方表示：「不分日夜地努力中。」