傅穎（Theresa）近年專注大陸發展，去年跟蒙古男友分手後，一直保持單身。月初炒車入院8日都冇人知，惟有玩自爆啦，喺微博公開被抬上白車相，自爆驚到眼淚一直流，真係陰功豬。(相關新聞： https://bit.ly/2psftMr )

事隔差不多三個星期，Theresa嘅傷勢都有好轉，今日係佢嘅34歲生日，噚晚就同屋企人一齊慶祝，收到好靚嘅鮮花同蛋糕，抱住一位可愛小朋友一齊吹蠟燭，笑得好開心。

而佢亦貼咗第一次做物理治療嘅相，喺ig留言：「『生活需要儀式感』，給我送花的朋友對我說。謝謝美純～車禍後頸椎骨還積着許多瘀血，今天是第一天做物理治療～這幾天不間斷的跟家人和朋友們吃生日飯，沒控制住，蛋糕沒吃剩的，足足重了1kg～無論多少歲，我心裡還是住着一個少女，不同的是，現在這少女活得更快樂了，謝謝各位的祝福～麼麼噠。」唔少網友都就身體健康最重要，祝福佢快啲好番。

精選娛聞，喺晒《娛果》
http://fb.com/appledailyent