【咁爆】狂牛兵團世盃提早玩完? 原因係......
西班牙國際足協FIFA處罰足球西班牙足協
西班牙球壇近期可以講係「六國大封相」,繼加泰獨立風波之後,依家仲有可能畀FIFA(國際足協)取消明年參與世界盃嘅資格!事緣西班牙足計劃選主席,而時間、日期、地點就未定,但西班牙當局就被指干預選舉事宜。由於FIFA唔容許屬會受到政治介入或影響,因此警告西班牙足協,指該國明年參與世盃決賽周嘅資格可能會被取消。
西班牙傳媒報道,前西班牙足協主席韋拿(Angel Maria Villar)因涉嫌貪污,於今年五月被當局拘捕,由拉里亞(Juan Luis Larrea)暫代主席一職。而西班牙足協計劃選新主席,但國家體育議會卻插手選舉事宜,被指試圖影響選舉結果。
FIFA已介入調查事件,並已通知西班牙足協,指如果政府繼續插手主席選舉,西班牙或會被禁止參加明年俄羅斯世盃。
其實中東國家科威特亦試過因同樣理由被FIFA處罰,該國政府被指干預足協事務,因此國家隊同埋國內其他球會被禁止參與FIFA舉辦嘅國際賽,直至今個月月初先正式解禁。
--------------------
球迷一定要知!英超一哥曼城,已經登陸『BFB』!登入即送藍月球星: http://bit.ly/2AAiPDS