《一代宗師》於今屆奧斯卡同時獲得最佳攝影的提名，曾獲得多次香港電影金像獎最佳攝影獎的資深攝影師黃岳泰，就以「每一個鏡頭都好有韻味」，來形容剛於金馬獎奪得最佳攝影的《一》片攝影師Philippe Le Sourd的運鏡。

捕捉四季意境

黃岳泰說：「鏡頭運用得相當好，睇到佢每個位都經過分析，都好風格化，每一個鏡頭都好有韻味，而且好整體。你會見到攝影師好有心機去捕捉春夏秋冬每個意境，每個鏡都好靚，觀眾好容易投入感受。」他稱戲中每一場攝影鏡頭都欣賞：「尤其開場第一幕梁朝偉雨中打戲，雨中打戲經常睇到，好多人拍過，但從來冇見過咁有風格化。」
黃岳泰力撐《一》片絕對有打敗對手奪奧斯卡的能力，他說：「我咁講並唔係因為佢係香港電影，而係攝影師確係出色，《引力邊緣》係拍得好靚，但我哋唔係淨睇邊個鏡頭靚，而係講入唔入到肉同感唔感動到人，西方人眼中，《臥虎藏龍》得到最佳攝影，就係鏡頭上更勝一籌，同樣《一》片每個鏡頭都有神韻。」
採訪：魯萍