林峯表妹林夏薇前年低調嫁身家逾廿億嘅金融才俊莫贊生(Jason)，本身林夏薇都係有錢女，婚後嘅生活富泰，專心陪老公，兼打理飲食業生意，間唔中就返大台拍劇過戲癮，今日就係林夏薇步入「3字頭」嘅大日子，原來老公Jason提早同佢搞咗個生日P!

林夏薇今日喺微博貼出喺遊艇慶祝生日嘅相，留言：「Happy birthday to me️29+1啦！我的生日願望就是：我愛的，愛我的，健康幸福！⋯還有⋯謝謝你的安排感動！」相中見身穿露膊長花裙嘅林夏薇擺出唔同甫士俾老公影，有一張相就見林夏薇正準備切一個正方形嘅大蛋糕，似係藍莓芝士蛋糕，未知係唔係老公細心為佢揀，另一張相就見老公Jason坐咗喺林夏薇身邊，二人嘟出「金魚嘴」錫錫，放閃!

好友胡定欣就轉貼林夏薇留言，回覆：「好了，不用再討厭你一直還是『2字頭』。」