曼城上個禮拜六喺英超大炒利物浦5:0，前鋒阿古路喺上半場推過米諾列特射入空門嘅一球，幫呢位阿根廷射手達成一個里程碑，仲打破埋前曼聯前鋒約基喺英超嘅一個入波紀錄。

阿古路嘅入波係佢自2011年加盟曼城之後，喺英超嘅第124個入波，超越射入123球嘅前千里達國腳約基，成為英超史上唔係歐洲人嘅射手。雖然呢個紀錄嘅pool係窄咗啲，不過其實都唔嘢少㗎。29歲嘅阿古路踢咗185場波達標，比起踢咗375場嘅約基快好多。呢個名單之後嘅球員都好出名㗎，好似杜奧巴（104球）、艾迪巴約（97球）、耶古保（95球）同埋維度卡（92球），不過佢哋四位都踢咗最少240場英超先達標，都係唔夠阿古路咁叻仔。