商天娥今日以代言人身份現身工展會，丈夫李偉誠也有現撐埸。娥姐今次有別於以往介紹烹飪產品，而是推廣全新牙擦產品，明年便踏入代言第十年，娥姐指酬勞當然有遞升，彼此合作非常愉快。

新一年將接拍關錦鵬導演新戲，跟鄭秀文、梁詠琪及趙雅芝等有對手戲，她說：「角色有啲近似自己，係娛樂圈嘅百科全書，演一位大會堂經理，今次仲有好多舊同事一齊做，我最渴望同甘國良先生見面，佢有份客串一個幾特別嘅角色。」今次新戲角色可以發揮有不少內心戲，娥姐透露已經開始思考怎樣演繹。

離開舊公司4年多，她指如果再拍劇要視乎對手、劇本是否過癮，她笑言這幾年抖到人也懶了，加上抽了不少時間陪伴家人，尤其媽咪，所以甚少幕前演出，她說：「內地都有唔少微電影邀請，我其實唔需要一定要演好感動角色，有趣得意角色都可以。」

更多娛聞，喺晒《娛果》
http://fb.com/appledailyent

【minigame】2017瘋暈人物 返工打機唔使擇日
http://bit.ly/2CeWQkP