105人成功入職
撥款逾8萬培訓失業人士
蘋果日報 2005/04/25 00:00
蘋果日報慈善基金通過撥款八萬八千元，資助東華三院余墨緣綜合服務中心舉辦「愛心僱主聯盟——社區就業關懷計劃」，培訓雙失青年及中年人士，另轉介他們給深水埗區僱主，共令一百零五人成功就業，包括從事保安、速遞、售貨及清潔等，重拾自信。
透過該就業計劃成功入職的二十三歲青年阿健，現於深水埗一間室內遊樂場任職場務員，協助顧客啟動各種遊戲。
上班已有一個多月的阿健向記者表示：「自己冇乜學歷同工作經驗，一路搵唔到長工，好彩有中心提供培訓課程同埋轉介工作，令我有番自信心。𠵱家我學識用電腦，又識得用簡單英文、普通話同顧客溝通，性格重主動咗好多。」
阿健中三畢業後，入讀建造業訓練局的水喉課程，此後曾從事地盤工作，惟其間他因工傷須留院治療；出院後，阿健一直兼職派傳單或速遞。
其雙親早年失業，尚有一名十八歲就讀中四胞弟，一家靠領取綜援金維生。
去年十二月底，阿健經社工介紹參加就業計劃，並獲轉介這份工作。「我會好珍惜呢份工、畀心機去做、去學嘢，希望可以做耐啲，幫輕屋企經濟壓力。」阿健認真地說。
日前，記者在社工帶領下到訪發仔工作的電腦商舖，十九歲的發仔於今年一月初透過參加是項就業計劃，轉介到深水埗區的商舖從事電腦營業員。
入職三個多月的發仔，道出這份工作帶來的滿足感：「以前搵唔到嘢做，覺得好浪費時間；𠵱家有工返，工作上學到電腦知識，又識得點樣同顧客溝通、講解產品嘅功能，生活開心好多。」
發仔中五畢業後曾報讀工業技術分流課程，惟畢業後找不到工作。其父原從事保安工作，母親任職售貨員，尚有一名就讀中五胞妹，惟近月父母相繼失業，一家開支現由發仔負擔。發仔說：「我重有好多電腦嘢唔識，但我會畀心機去學，希望可以繼續做落去。」
對於發仔的工作表現，愛心僱主Thomas讚不絕口：「發仔嘅工作態度認真，肯學、肯做，但佢本身唔係太熟悉電腦嘅知識，變咗好多嘢要邊學邊做，我成日鼓勵佢，唔識一定要虛心學習同埋提問。」
Thomas說：「呢個計劃幫我解決請人嘅實際需要，亦可以畀機會待業人士，希望其他僱主都嘗試加入成為愛心僱主。」
暖流熱線
電話：29908688
傳真：23702192
電郵：[email protected]
網址： http://www.charity.atnext.com
從事電腦營業員的發仔，仔細地向顧客介紹電腦產品。