黎明（Leon）、楊千嬅、衞蘭、衞詩及應昌佑等前晚在沙田馬場出席錄影《全國名廚薈萃為公益》節目，該節目片段於本周六（26日）在無綫播映。

自嘲廚藝扮嘢賽

前晚公益金筵開100席，到場的名人還有公益金主席余錦基及陳小寶等，現場播放了Leon早前炮製佛跳牆的片段，現場並預備了一煲佛跳牆供試食及拍賣，試食每份200元。
Leon表示佛跳牆底價68,000元，但周中師傅表示佛跳牆材料昂貴，提議底價應為88,000元，結果拍賣底價由88,000元開始，其後有3位善長分別投得，共籌得384,000元。
司儀朱凱婷大讚Leon煮佛跳牆似模似樣，他笑稱：「咁應該頒個廚藝扮嘢大賽獎畀我。」問黎明廚藝如何？他說：「我廚藝OK，以前媽咪包餃子我都有幫手，不過北方地方比較傳統，女人落廚，男人食。」問他是否一個傳統的男人，他說：「點傳統都冇用，因為命運會安排，嗰個人識唔識煮嘢食，或者自己煮。」似乎黎明恨食住家菜。

千嬅難忘迷彩麵

前晚司儀又問千嬅可有男友為她下廚，她說：「都好耐之前，成五六七年前。」但就不肯說是否鄭中基，問對方煮了甚麼？千嬅說：「煮意大利麵，不過佢用波菜麵加墨魚汁，好似迷彩咁嘅色。」
採訪：駱華齡　攝影：陳偉權