【新增影片】
利物浦名帥辛奇利（Bill Shankly）曾經講過「足球大於生死」。呢句說話好似有啲誇張，但現實生活似乎就有真實例子發生。

周三喺秘魯有一個家庭舉行喪禮，而咁啱靈堂就裝咗部電視，而且仲直播緊秘魯對厄瓜多爾嘅世盃外賽事。正當秘魯入左波嗰時，靈堂就有人興奮互攬慶祝，另外亦都有人當場大叫，佢地似乎已經唔記得身處緊嘅係咩場合，簡直當咗靈堂係酒吧。

另當時身處現場嘅一位老婦，似乎頂唔順嗰班人嘅行為，嬲到走咗出靈堂。其實喺靈堂睇波本身已經唔係幾好，如果仲要忘情慶祝嘅話，對先人就唔係幾尊重喇！至於嗰場波，秘魯最終以2:1撃敗厄瓜多爾，保持晉身世盃嘅希望。