韓國人氣節目《爸爸，我們去哪兒？》雖然已播出兩季，但一向有唔少粉絲捧場。

而當中幾位小朋友仲Keep住好感情，好似李鐘赫嘅乖仔李俊秀同埋歌手尹民秀嘅囝囝尹厚，俊秀同尹厚做完節目後都保持住好好感情，不時會聯絡同埋約出街。

當中現時已10歲嘅俊秀同11歲嘅尹厚日前就相約睇戲，捧俊秀嘅爸爸李鐘赫主演嘅電影《媽媽的筆記本》嘅試映會，佢哋喺現場仲依然受歡迎，受到唔少人集郵。而尹厚將合照放上網，引來網民議論紛紛，事關俊秀同以前變咗好多，唔少網民仲留言話佢0依家仲肥過尹厚，以前尹厚就出名肥嘟嘟，但現時俊秀拍埋尹厚度，睇起嚟俊秀仲肥過尹厚呢。

另外，李鐘赫噚日亦有上咗電台訪問，佢提及兩個囝囝，當中就透露大仔卓秀想做演員，不過李鐘赫就話唔會刻意鼓勵大仔去當演員，但會畀兒子自己去選擇，覺得要點做下起先最重要，同埋始終會係兒子自己去經歷嘅事。同時又提到細仔俊秀，佢話雖然都隔咗幾年，但俊秀依然被好多人認出。

更多韓流，喺晒《娛果》
http://fb.com/appledailyent