王菀之(Ivana)噚晚到九展出席活動,佢透露近日好忙,除了準備明日台慶表演外,又要拍戲,為自己專輯錄音,加上為台慶綵排及出席唔同活動,佢笑言自己好似好分裂,幸而工作起來做得好開心,Ivana話:「佢哋知我做好多嘢,所以台慶都盡量安排兼顧低啲,到時會同《老表,你好嘢!》班演員有個短劇,同埋會有歌舞環節,今日已經綵排。」
至於會否因為綵排少咗而令到出鏡少咗,佢話唔會咁諗,只希望個騷做得圓滿,同時又可以預告《老表2》明年拍攝,Ivana話: 「係以謝票心態,不過今年以歌手身份,但都可以參加台慶。」
問到怕唔怕熄電視行動?Ivana話: 「冇想過呢樣,做好本份,綵排時排好所有嘢。」 佢透露表演時會以婚紗上陣,並會喺短劇中同王祖藍結婚,又笑言事前已問准對方女友李亞男同意。