馬浚偉喺張相留言「快樂又充滿意義的早餐會，柯仔加油！」，柯創盛轉貼馬浚偉嘅po，並加多句「多謝馬仔！馬仔都要加油」，兩個咁啱傾，莫非馬浚偉或者港台同民建聯有大project搞？八方向馬浚偉了解，佢澄清話冇嘢搞，只係同柯創盛傾噪音問題，馬浚偉仲話雖然佢被鄰居噪音騷擾問題叫做搞掂咗，真係改善咗好多，但佢承諾咗其他市民幫佢哋嘅噪音問題發聲，仲話嚟緊會再同唔同人見面㗎！至於會唔會合作，馬浚偉話未知，如果真係幫到受噪音滋擾嘅苦主，都可以考慮吓㗎。其實𠵱家立法會有成90個位咁多，馬浚偉不如去選議員，咪可以自己出手解決囉。