日本組合AKB48，紅足咁多年，因為佢哋識得製造話題，仲成日喺節目入面玩啲出位環節，啲成員成日都喺節目入面互相摸身摸勢，甚至胸襲。

近來佢哋嘅節目《AKB調查》亦好大膽，之前有最美胸部、最美肚臍選舉，仲有幾個成員伸手摸一個隊友胸嘅鏡頭，今個星期嗰集就有美唇選舉，又俾人話鏡頭似足AV。

喺今集《AKB調查》入面，成員互相選出美唇之最，於是節目就不停近鏡拍成員嘴唇，有啲飲緊水、有啲食緊嘢、有啲將紅唇微微張開，夠晒誘惑。

於是有鹹濕粉絲就話，成個節目啲鏡頭似足AV片，仲有網民將一個全部口部特寫鏡頭嘅AV封面上載，證明個節目幾咁似AV！最後美唇冠軍由小嶋陽菜奪得，佢仲喺Instagram度話好開心，又上載咗張輕按嘴唇嘅照片，電力十足。