由蘇志燮同申敏兒主演嘅《OhMyVenus》噚晚播出第13集，噚晚一集講到蘇志燮出咗車禍，醫生就話唔確定佢之後可唔可以如常行走，個個聽到呢個消息時都表現得好傷心，當申敏兒終於聯絡到蘇志燮時，蘇志燮又唔想佢擔心，所以就安排保安人員擋住病房門口唔畀佢入去，申敏兒就話自己願意耐心等待，並希望蘇志燮能盡快，以健康又性感嘅型男再次出現喺自己面前，點知申敏兒一等就等足一年，當一年後佢哋相逢冒，二人即感動得相擁起來。

雖然《OhMyVenus》情節咁浪漫，但最終收視都未能有所突破，收視只得8.6%，繼續墊底。而同檔由劉亞仁主演嘅《六龍飛天》，收視比上周升咗0.3%，以13.4%收視繼續穩坐收視冠軍，第二名就係《華麗的誘惑》，有10.0%收視。