《蘋果》讀者陳先生稱,他在深水埗青山道588號永盛工業大廈工作多年,大廈出入口處簷篷底,掛有近十個大大小小的懸掛式招牌,部份隨風飄搖,對出入大廈人士及途人構成危險,部份貼近馬路,對經過巴士亦構成危險,他在去年十月向屋宇署投訴,但至今未見改善。
「做官嘅就闊佬懶理」
「嚿年10月投訴到𠵱家,一啲嘢都冇做過,打親電話去,都係畀音樂我聽,唔係就敷衍了事,係咪要死人塌樓至肯做嘢。」陳先生向記者詳述多月來與屋宇署官員交涉的不快經歷。
「日日要喺啲招牌底出出入入,真係好危險,我代表市民投訴,但係佢做官嘅就闊佬懶理,次次都話做緊嘢,重曾經試過同我講話拆咗,我即刻叫佢落嚟當面對質,佢至口啞啞。」
屋宇署回覆本報稱,去年10月接獲陳先生投訴後,曾多次往上址視察,發現大廈面向青山道外牆及簷篷底,懸掛若干個廣告招牌,其中兩個招牌因可能對路人安全搆成危險,故於去年12月向有關物主發出通知,要求拆除,招牌物主已於今年1月將招牌拆除。
屋宇署稱,上址其他廣告招牌,均未經屋宇署批核,據現場視察,招牌的安裝基本上安全,亦沒有對樓宇結構或路人安全構成即時危險。屋宇署暫時不會採取行動,但亦已於上月向招牌物主發出勸喻信要求清拆,並將該等違例工程記錄在案,日後若情況有變,會考慮採取適當行動。