當年今日
關於我們

中環在線:騰訊用戶達8.9億
中移動「眼紅」 - 李華華

蘋果日報 2017/05/26 00:00


做生意呢家嘢,不嬲都係隔籬飯香。內地互聯網企業崛起,騰訊(700)、阿里用戶數目幾何級數咁增加,規模同傳統內地電訊商有得揮。騰訊噚日亦公佈,旗下微信用戶達到8.9億戶,直頭超越中移動(941)8.4億用戶!
中移動管理層喺股東會後都俾人問到,會唔會眼紅騰訊呢類互聯網企業嘅爆發性增長,首席執行官李躍就話,的確係「有點眼紅」,但係轉個角度睇,查實佢地應該俾人羨慕至真。
點解?李躍解釋,因為騰訊嗰8.9億用戶係唔使畀錢,而中移動每個客都畀緊錢,所以互聯網企業對電訊商先至係「眼紅得不得了」!講係咁講,不過佢都認為,傳統電訊商係要轉型,研究吓點樣用網絡廣告、大數據拓闊收入來源,所以同互聯網企業合作係大勢所趨。
97年主權移交至今,香港前進還是倒退?「蘋果」與你細數廿載風雨。
【回歸二十年】專頁: http://hksar20.appledaily.com.hk