龐景峰同林熹瞳(Rachel)今日喺旺角出席蒸鍋店試菜活動，景峰話最近係博殺期，年底前接咗3部電影，佢仲暗示其中一部係同爸爸錢小豪再度合作，佢話：「真係好想同佢過招，唔係不孝，只係想留番啲回憶。」

而Rachel就帶埋兩個新簽嘅藝人現身，問佢係會唔會淡出幕前？Rachel就堅決話唔會，仲話：「做幕前係我嘅夢想，我已經寫咗兩、三個劇本，為嘅係自己演出，其中有做弱智同殺人犯嘅角色。」而講到同前度黃玉郎未婚妻嘅罵戰，佢就話已經真相大白，佢話：「佢哋已經道歉，我同佢(黃玉郎)公司有合作，會定期開例會，氣氛有講有笑。」