當年今日
關於我們

隔牆有耳:孫公借尿遁 - 李八方

蘋果日報 2009/07/11 00:00


教育局噚日公佈臻美黃乾亨由旅港福建商會接辦,唔少記者去採訪行政長官卓越教學頒獎禮時,都諗住乘機要教育局局長孫公回應番一兩句。煲呔同孫公留咗大約半粒鐘左右,就準備鬆人,班行家立即企定喺廁所外面嘅採訪區守候。
點知兩個大男人同幾個頒獎嘉賓一出嚟就急急腳走入男廁,新聞官當時仲安撫班記者,話佢哋一陣會出嚟,仲搵人入廁所問佢哋會唔會接受訪問。轉個頭就見到煲呔同孫公出返嚟,一支箭咁閃走咗,新聞官惟有解釋話,佢哋可能要趕去第二度喎。