球迷見到球星，一定會集郵，球星遇到球星都唔例外。巴塞隆拿失落今屆西甲錦標後，於周三繼續備戰，準備周六於西班牙盃對艾拉維斯。練習途中，前巴塞名將「細哨」朗拿甸奴驚喜出現探班，佢同舊隊友美斯一見如故，仲攬得好實。「細哨」之後亦都有同其他球員有交流，仲同美斯同尼馬一齊影合照。

朗拿甸奴喺03至08年效力巴塞，喺呢個五個球季中，為球隊贏過兩次西甲錦標同一次歐聯。