【港產新一代】胡子彤跟白只蝦蝦霸霸 《白色女孩》成閉幕電影
杜可風小田切讓梁健平白只袁澧林胡子彤白海白色女孩
胡子彤繼《點五步》後,第二部參演作品係白海、杜可風聯合執導,聯同小田切讓、袁澧林、白只、梁健平一齊主演嘅劇情電影《白色女孩》,仲獲邀成為今屆香港亞洲電影節閉幕電影。電影以香港最後一條漁村為背景,講述當中發生一段撲朔迷離嘅愛情故事。
《白色女孩》係胡子彤繼《點五步》後再次入圍亞洲電影節嘅作品,當佢得知呢個消息之後表示:「其實拍完之後一直忙其他工作,冇諗太多,只係知道幕後人員努力緊做後期製作,知道能夠成為香港亞洲電影節嘅閉幕電影,作為其中一份子,當然好開心。」
講到今次同多位前輩合作,而角色亦同佢喺前作《點五步》中感覺好唔一樣,子彤話:「今次能夠同白海、杜可風合作,好榮幸能夠參與其中,杜可風拍出來嘅畫面好靚,至於今次同我有最多對手戲嘅白只,喺佢身上亦都學到好多知識。今次嘅角色同之前相比,係比較似諧星路線,角色上我係白只嘅侄仔,跟佢搵食,造型上有啲似土豪,戴金錶,一班人『蝦蝦霸霸』,其實係一個廢青,終日無所事事,但係喺呢條漁村中,其實又可以做啲乜大事呢?今次大家喺電影中,會睇到一個同《點五步》唔同嘅胡子彤,當中仲講到發展同保育嘅問題,好有意義,希望大家會鍾意。」
胡子彤繼《點五步》後,第二部參演作品係白海、杜可風聯合執導。
聯同小田切讓、袁澧林、白只、梁健平一齊主演嘅劇情電影《白色女孩》。
電影以香港最後一條漁村為背景,講述當中發生一段撲朔迷離嘅愛情故事。
胡子彤今次嘅角色亦同佢喺前作《點五步》中感覺好唔一樣。