阮兆祥同麥長青今次唔使坐艇,皆因佢哋喺之前嘅金融風暴蝕到喊咁滯,祥仔仲冇咗一半身家,之後就唔敢再買股票。麥長青話:「我07年時輸咗鑊甘,之後都唔敢掂。」
Boy'z噚日去新城宣傳,成員關智斌話半年前放晒啲股票:「投資咗啲人民幣同買樓,家內地買咗層畀父母度假,香港都買咗層投資。」
蒙嘉慧噚晚喺ifc出席活動,佢話跌市前用70幾蚊入咗滙豐(005),到噚日為止係蝕咗,但佢諗住長揸,所以唔擔心。蒙嘉慧又否認早年話佢買股票蝕咗幾百萬嘅傳聞,佢仲話男友鄭伊健送咗鑽飾畀佢做生日禮物。同場嘅周汶錡就話冇買股票,但男友就買咗少少。另外,陳法拉噚日話買股票都有蝕錢:「輸嘅係有限錢,會揸住先,噚日都有趁低吸納。」