莫雷拉效應，反轉馬圈生態，連潘頓、韋達都捱打，令一眾華將更艱難，機會不等人，有機會馬在自己手上，因發揮差劣而輸，導致下次換人跑，冇得怪人，呂卓賢剛周日騎「南莊多寶」，發揮差到接受唔到囉！上次跑同班同程，一樣遇到「威利猛男」在身旁，有冇像今次力留讓「威利猛男」埋欄？梗係冇啦！兩次形勢相若，跑法竟如此不一致，令人好失望。
大家睇莫雷拉點跑馬，唔係人家騎功高你好多，而是明白身處香港應該點跑先會有運行。抵莫雷拉發達，座騎接到無停手，今朝再替沈廐的「敏歡騰」彈草閘（接手後已操過三課），預料年初三會騎成數高，很期待這馬落在雷神手上，比較上次蔡明紹死留，演出有冇唔同！