「有得去,梗係好興奮!」未出發先興奮,大抵便是這個樣子。「真係要多謝你哋,令多啲人知道呢件事」,盛記細B哥張文強說。這晚的盛記座無虛席,擠滿買下慈善火鍋券的人。細B哥說,報道刊登翌日已收到藝人江美儀的來電。「佢哋好有心,問我有咩可以幫手,仲欠幾多錢,結果就搞咗今晚嘅慈善火鍋宴」,2,000蚊一位的火鍋券悉數售出,火鍋宴的豬牛羊都有街坊善長贊助。
沙崇校長洪細君說,過去幾星期,差不多每日都收到市民捐款的查詢。「有個80幾歲的婆婆,話睇完報道好感動,好想幫吓啲學生,但唔識點去銀行入數,攞住幾千蚊嚟學校」,不少市民主動聯絡她,希望出一分力。「有位女士嚟到學校,話想捐錢前可以親自見吓啲學生,鼓勵吓佢哋,同佢哋講:今次你哋能夠去,係好多人背後幫你,到你大個有能力,亦一定要盡力幫人」。洪感謝各界支持,指多出的善款將成立基金,支持學生尋夢。
「創意思維世界賽」源自美國,已有40年歷史,每年有來自世界各地的學生隊伍,經地區選拔參賽。沙崇今年以變奏版取西經故事,演繹「經典」這個題目,打低一眾名校爆冷得獎,代表香港5月到芝加哥愛荷華州立大學比賽。
■記者呂麗嬋